Астана қаласы Сарыарқа ауданы Қорғаныс істері басқармасының тапсырысы бойынша алғашқы әскери дайындық және әскери-техникалық мектептің инспекторы Жылқыбаев Есентай Жаркимбаевич Сәкен Сейфуллин атындағы №80 мектеп-гимназиясының 9-11 сынып оқушыларымен маңызды кездесу өткізді. Дәрісте ол Отанды қорғау мәселесінің өзектілігі, әскери қызмет өткерудің құқықтық негіздері, еліміздегі және шетелдегі Жоғары Әскери оқу орындарына түсу ережелері туралы кең көлемде ақпарат берді.

Кездесу барысында оқушылар әскери қызметтің маңызы мен мүмкіндіктері жайлы көптеген сұрақтар қойып, белсенділік танытты. Әсіресе, ұл балалардың арасында үлкен қызығушылық байқалды. Жылқыбаев Есентай Жаркимбаевич өзінің шәкіртімен бірге келіп, оқушыларға нақты мысалдар мен тәжірибелік кеңестер ұсынды. Шәкіртінің жетістіктері оқушыларға ерекше әсер етіп, оларды әскери мамандыққа деген ынталарын оятты.

Кездесу соңында оқушылар әскери қызметтің болашағы мен осы саладағы мүмкіндіктер жайлы кеңінен түсінік алды.