Сәкен Сейфуллин атындағы №80 мектеп-гимназиясының 9А - сынып оқушысы Диханбай Айсұлтан мектептегі буллинг пен оқушылар арасындағы жиі кездесетін кикілжіңдерді анықтап, оларды уақытылы болдырмауға арналған инновациялық жүйе ойлап тапты. Бұл жобаның ерекшелігі – мекеме ішіндегі бейнебақылау арқылы агрессия белгілерін анықтау және жедел хабарлама беру механизмі.
Бұл тамаша жобаның жүзеге асуына Айсұлтанның информатика пәнінің мұғалімі Данара Шайкуалиевнаның үлесі ерекше. Ол оқушымен бірлесіп, жобаның тиімділігін арттыру үшін тәжірибесімен бөлісті және бағыт-бағдар берді. Мұғалім мен оқушының бұл ынтымақтастығы – мектеп үшін үлкен мәртебе.
Данара Шайкуалиевнаны осындай жоғары деңгейдегі қолдау көрсетіп, оқушының әлеуетін ашуға үлес қосқаны үшін шын жүректен құттықтаймыз! Мұғалімнің біліктілігі мен шынайы жанашырлығының арқасында жас ұрпақ өз қабілеттерін толықтай көрсете алуда.
Болашақта бұдан да биік белестерге жетулеріңізге тілектеспіз!