English Club: Қонағымыз – Канада елінен келген Джонатан Коркин.
Бүгін мектебімізде ерекше шабыт пен жаңа білімге толы күн болды. Ағылшын тілі бірлестігінің бастамасымен өткен бұл іс-шара 9-11 сынып оқушылары үшін үлкен мүмкіндіктерге жол ашты. Оқушыларымыз Канада елінен арнайы келген ағылшын тілі оқытушысы Джонатан Коркинмен кездесіп, тілдік қорларын байытып, шет тілі дағдыларын шыңдауға мүмкіндік алды.
Қызықты сұхбат, әсерлі әңгімелер мен еркін пікір алмасу барысында оқушыларымыз шынайы тілдесудің қуатын сезінді. Бұл кездесу олардың ағылшын тілінде еркін сөйлеу сенімін нығайтып, болашақта жаңа биіктерді бағындыруға ынталандырды.
Осындай мазмұнды және танымды іс-шараны ұйымдастырған ағылшын тілі бірлестігіне шынайы алғысымызды білдіреміз!
Осындай ерекше кездесулер оқушыларымыздың рухани және тілдік дамуына үлкен үлес қосатынына сенімдіміз.