«Бірлік» зерттеу тобы желтоқсан айынан бастап, ақпан айына дейінгі аралықта 6 «А» сыныбында жаратылыстану, математика, қазақ әдебиеті сабақтарында зерттеу жұмысының 2-циклын ойдағыдай аяқтады.
Зерттеу жұмысының тақырыбы: 6 «А» сынып оқушыларының сөйлей алу дағдыларын дамыту.
Зерттеу жұмысының мақсаты: Әдіс-тәсілдерді түрлендіру арқылы оқушылардың айтылым дағдыларын дамыту.
Lesson Study-дің 2-циклында жеке және жұптық жұмыс қарастырылу көзделген еді. Сондықтан зерттеуші мұғалімдер А,В,С оқушыларының білімге деген қызығушылықтарын арттыру үшін әр пән мұғалімі сабақтың әр кезеңінде оқытудың жаңаша әдіс-тәсілдерді қолданды және олар тек фокустағы оқушыларға ғана емес, бүкіл сыныптың айтылым дағдысын ашуға өз әсерін берді. Оған дәлел оқушылардың психологиялық-эмоционалдық күйі, бір-бірімен сабақ барысында тілдесімі және жазбаша жазған кері байланыстары.
2- цикл барысында фокустағы В және С оқушылары зерттеу мақсатына жетуде оң нәтижесін берсе, А оқушысы В деңгейіне түсіп, сәл қиындықтар туғызды. Сондықтан зерттеу тобындағы мұғалімдер келесі циклда үш түрлі жұмысты да (жеке, жұптық, топтық) бір сабақта қолданып көру және психологиялық тұрғыда фокустағы әр оқушының қай оқушымен ынтымақта жұмыс жасаса тиімдірек болатыны жайында шешімдер жасады.
Зерттеу тобындағы Құлтай Р.Б., Ахметова М.Б., Жұмабай А.Ж. және Нурушева А.К. педагогтеріне Lesson Study-дің 3-циклында табысты да сәтті жұмыс тілейміз.