Астана қаласы әкімдігінің Әдістемелік орталығының жоспары бойынша С. Сейфуллин атындағы №80 мектеп-гимназия базасында 5 ақпан 2025 жылы «Салауатты тамақтану мектебі» жобасы аясында «Салауатты өмір салты – сәттілік формуласы» тақырыбында қалалық денсаулық фестивалі өтті.
Білім алушыларды салауатты өмір салтын ұстануға, салауатты тамақтану дағдысын дамытуға тәрбиелеу мақсатында өткізілген фестивальға «Салауатты тамақтану мектебі» жобасына қатысқан білім алушылар мен педагогтерді әдістемелік орталығының талдау және мониторинг бөлімінің әдіскері Р. Шаяханова құттықтап, фестиваль бағдарламасымен таныстырды.
«Салауатты өмір салты – сәттілік формуласы» қалалық денсаулық фестивалі 1 орын жеңімпазы Шәкәрім атындағы №56 мектеп – лицейінің 2 «Г» сынып білім алушылары (жетекшісі Серикбаева Айдана Маратқызы), 2- орын Мұстафа Шоқай атындағы №51 мектеп-гимназия 2 «Ғ» сынып білім алушылары (жетекшілері Атымтаева Қалдыгүль Каримолдаевна, Абдрахманова Назира Мамаевна), 3- орын №12 орта мектептің 2 «Ә» сынып білім алушылары (жетекшілері Сапарова Аида Тоймуханбетовна,
Беккелді Нұризат Болысбекқызы) және С. Сейфуллин атындағы №80 мектеп-гимназияның 2 «З» сынып білім алушылары (жетекшілері Камалова Забирахан Тольжановна , Кабулдинова Айслу Есболатовна). Фестиваль соңында әдістемелік орталығының талдау және мониторинг бөлімінің әдіскері Р. Шаяханова қатысушылар мен ұйымдастырушы «Салауатты тамақтану мектебі» жобасының жетекшісі Абдуахитова Индира Кайроллаевнаға алғыс білдірді.