Сәкен Сейфуллин атындағы №80 мектеп-гимназиясында Қазақстан Республикасы Тәуелсіздігінің 33 жылдығына орай "Тәуелсіз ел – Қазақстан" атты мерекелік концерттік бағдарлама ұйымдастырылды. Шараға мектеп ұстаздары мен оқушылары белсенді қатысты. Мерекелік бағдарлама барысында еліміздің тәуелсіздік жолындағы жетістіктері мен тарихы ұлықталып, оқушылар патриоттық әндер шырқап, өнерлерін көрсетті.
Іс-шараның ерекше қонағы ретінде Л.Н. Гумилев атындағы Еуразия ұлттық университетінің әскери кафедрасының оқытушысы, Желтоқсан ұлт-азаттық көтерілісінің қатысушысы Алдаберген Бауыржан Жандарбекұлы келіп, оқушыларға тәуелсіздік жолындағы күрес туралы маңызды әрі әсерлі естеліктерімен бөлісті.
Толығырақ