Сәкен Сейфуллин атындағы №80 мектеп-гимназиясы оқушылары "Жұмысшы мамандықтар қаласы" фестивалінде.
Бүгін біздің мектептің 9-сынып оқушылары Астанада өткен "Жұмысшы мамандықтар қаласы" фестиваліне қатысты. Бұл іс-шара Жұмысшы мамандықтар жылын ресми түрде ашқан алғашқы үлкен фестиваль болды.
Фестиваль барысында оқушылар өздерін әртүрлі кәсіптік салаларда сынап көріп, болашақ мамандықтары туралы кеңірек мағлұмат алды. Атап айтқанда, 8 тақырыптық көше ашылып, онда тау-кен ісі, металлургия, машина жасау, көлік, энергетика, мұнай-газ саласы, ауыл шаруашылығы, құрылыс, медицина, құтқару қызметі, өрт сөндіру секілді түрлі бағыттар қамтылды. Сонымен қатар, болашақ мамандықтарға арналған көшелер мен 40 креативті үй ұсынылып, оқушыларға кәсіби даму мүмкіндіктері көрсетілді.
Фестиваль оқушыларға өздерінің болашақ мамандықтарын анықтауға және еңбек нарығындағы сұранысқа ие салалармен жақын танысуға мүмкіндік берді. Мұндай ауқымды іс-шаралар жастардың кәсіби бағдарын айқындап, еңбек нарығына сапалы мамандар даярлауға үлкен үлес қосатыны сөзсіз.
"Жұмысшы мамандықтар қаласы" фестивалі
